Алматы көшесін ыстық су басты

Көліктердің ішінде адамдар болған. Төтенше жағдайлар қызметінің мәліметіне сәйкес, зардап шеккендер жоқ. Апат түскі сағат бір кезінде Райымбек даңғылы мен Бөкейхан көшелерінің қиылысында болған. Оқыс оқиғаның суреті мен видеосын әлеуметтік желіде куәгерлер жариялап жатыр.

"Құбырлардағы су температурасы - 50-60 градус, сол себепті қандай да бір зардап келуі мүмкін емес. Апаттың себебі - құбырдың тозуы. 1971 жылғы құбыр. Ол өз ісін атқарды. Гидравликалық сынақтан сәтті өтті. Құбыр диаметрі - 700 миллиметр. Оқиға Райымбек даңғылы мен Бөкейханов көшесі аумағында, батыс бөлігінде болды. 13.00 шамасында болған. Қазір сол аудандағы су құбыры жабылды, оқиға орнында апатты-құтқару бригадасы жұмыс істеп жатыр", - деді Алматы қаласының жылу-энергетикалық кешені мен ТКШ кәсіпорындарының ресми өкілі Ян Гирин.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!