Алматыда Невада-Семей антиядролық қозғалыстың вице-президенті ұсталды
Оңтүстік астанада «Невада - Семей» антиядролық қозғалысының вице-президенті Харон Дадаев ұсталды.
17:28 15.10.2019
Бұл ақпаратты қалалық полиция бөлімі растады. Құқық қорғау органдарының мәліметінше, Дадаев осы жылдың қыркүйегінде ұсталған. Ол алаяқтық жасады деген күдікке ілініп отыр.
«Алматы қаласының полиция депратаменті азамат Д.-ны осы жылдың қыркүйегінде Қазақстан Республикасы Қылмыстық кодексінің 190-бабының 4-бөлігі (сенімге кіріп алдау арқылы алаяқтық) бойынша қылмыс жасады деген күдікпен ұсталғанын растайды. Қазіргі уақытта бұл қылмыстық істің материалдары сотта қаралуда», - деді полиция.
Дадаев Олжас Сүлейменовтің антиядролық іс-әрекеттегі серіктесі ретінде танымал. Сүлейменов 1989 жылы «Невада - Семей» қозғалысын құрды. Невада - Семей қозғалысының күш-жігері Қазақстандағы ядролық сынақтарды тоқтатты: 1991 жылы 29 тамызда «Семей полигонын жабу туралы» Жарлық шықты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
