14 метр биіктен құлаған мотоциклші ғажайып жағдайда тірі қалды
АҚШ-тың Канзас-Сити қаласында мотоциклді тізгіндеген 31 жастағы ер 14 метр биіктен құлап кетті.
15:09 18.10.2019
Ол ғажайып жағдайда аман қалды. Мотоциклмен келе жатқан ер адам кенеттен қозғалыс құралын басқара алмай қалып, жолдың шетіндегі бетон қоршауға соғылыпты. Мұнан кейін ол жолдан ұшып түсіп, 14 метрлік эстакададан құлап кеткен. Салдарынан көптеген жарақат алған ер адам ауруханаға жеткізілді.
Мотоциклші жол-көлік оқиғасының салдарынан ауыр жарақат алған. Алайда дәрігерлер оның беті бері қарап келе жатқанын айтады. Ер адамның мотоциклді неліктен басқара алмай қалғаны хабарланбады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
