Cпортшы құлап бара жатып, қарсыласын нокаутқа жіберді
Бұл жекпе-жекті турнир ұйымдастырушылары үздік деп таныды.
17:38 27.10.2019
Керемет соққысымен есте қалған спортшы қосымша 3 мың долларға ие болды. Ресейлік аралас жекпе-жек шебері Имам-Шапи Мұхтаров Волгоград қаласында өткен турнирде ерекше соққы жасады. Видео Twitter әлеуметтік желісінде жарияланды.
Мұхтаров октагонда украиналық Анатолий Сафроновпен кездескен болатын. Жекпе-жек көпке созылмады. Кездесудің 42-ші секундында спортшы құлап бара жатып, аяғымен қарсыласының жағынан теуіп үлгерді. Сафронов сұлап түсті.
Деректер бойынша, бұл нокаут үшін спортшы қосымша 3 мың доллар алған. Мұхтаров кәсіпқой карьерасындағы бес жекпе-жектің бесеуінде де жеңіске жетті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
