Ақтөбеде пәтерден өрт шығып, 20 адам құтқарылды
Ақтөбе қаласында көпқабатты тұрғын үйден өрт шықты.
14:45 02.11.2019
Барлығы 20 адам эвакуацияланды, оның 9-ы бала. 2 қараша күні сағат 09:02-де бес қабатты үйдің төртінші қабатындағы пәтерден өрт шыққаны туралы хабарлама түсті. Пәтерден шыққан өрт жоғары қабаттағы балконды шарпыған.
«Өрт сөндірушілер бірден тұрғындарды қауіпсіз жерге шығарып, өртті сөндірді. Екі адам автобаспалдақ арқылы эвакуацияланды. Барлығы 20 адам қауіпсіз жерге шығарылса, оның 9-ы бала. Зардап шеккен адамдар жоқ. Өрттің шығу себебі анықталып жатыр», - деп хабарлады облыстық ТЖД баспасөз қызметі.
Айта кетейік, өрт сөндіру жұмыстарына 41 қызметкер мен 10 техника жұмылдырылды.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
