Оралда төрт қабатты үй өртеніп, 13 адам эвакуацияланды
БҚО ТЖ департаментінің баспасөз қызметінен түскен мәліметке қарағанда, 9 қараша күні сағат 14.14-те Н.Назарбаев даңғылы 232-мекенжайында төрт қабатты үйдің төбесі жанған.
16:13 10.11.2019
Аумағы 25 шаршы метрді құраған өрт 14.42-де оқшауланып, 15.00-де сөндірілді. Тұрғын үйден 13 адамшығарылса, соның екеуі – балалар. Тілсіз жауды ауыздықтауға және адамдарды эвакуациялауға 17 қызметкер, 5 техника, полициядан 4 қызметкер, 2 техника жұмылдырылды.
Кеше сондай-ақ, сағат 21.23-те Бөрлі ауданы Приурал ауылында тұрғын үй ауласында 20 тонна пішен жанып кетті. Өрт бүгін 00.31-де оқшауланып, 02.52-де сөндірілді (2 адам, 1 техника).
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
