Ер адам ақша үшін қабірден ата-анасының сүйегін қазып алды
Мозамбикте ата-анасының мүрдесін қабірден қазып алған ер адам ұсталды.
16:14 18.11.2019
Ол мотоцикл сатып алу үшін осындай әрекетке барыпты. Полиция Нампула провинциясының тұрғынын ата-анасы мен ағасының мүрдесін қазып алды деген күдікпен тұтқындады. Ер адамның сөзінше, оған әлдебір кәсіпкер ата-анасының мүрдесі үшін 300 доллар (110 мың теңгеден аса) беруге уәде еткен. Сондықтан ол еш тайынбастан, жақындарының мүрдесін қазып алыпты.
«Ол маған сырқаттанып қайтыс болмаған адамдардың мүрдесін алып келуім керегін айтты. Оның орнына мотоцикл ала алатын едім», - дейді ер адам.
Алайда ер адам кәсіпкермен кездесуге келіскен жерге барғанда, ол жерде ешкім болмаған. Полиция өкілі биылғы жылы мұндай жағдайдың бесінші рет болып отырғанын айтты. Ол әдетте адамның мүрдесі рәсім кезінде пайдаланылатынын айтты.
Дереккөз: Stan.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
