Ұзақ өмір сүрудің тиімді тәсілі белгілі болды
Америкалық ғалымдардың айтуынша, тұрақты түрде ашығу жүрек ауруларының алдын алып, ұзақ өмір сүруге септігін тигізеді.
19:19 27.11.2019
Олар ашыққан адамдарда жүрек талмасы 71 процентке сирек кездеседі дейді. Бірінші зерттеуге жүрегіне катетер салғызған және 4,4 жыл бойы бақылауда болған екі мыңға жуық адам қатысқан. Олардың 389-ы бес жыл бойы тұрақты түрде ашыққан. Зерттеушілер ашығатындар арасында өлім-жітім 45 процентке төмен екенін анықтапты.
Мамандар екінші зерттеуде ашығудың жүрек белсенділігіне қалай әсер ететінін тексеру үшін сол пациенттер туралы мәліметтерге талдау жасады. Зерттеу нәтижесінде, ашығатындарда жүрек талмасы 71 процентке сирек кездесетіні анықталды.
Бұған дейін Гарвард медициналық мектебінің ғалымдары калория тұтынуды азайту неліктен өмірді ұзартатынын анықтаған еді. Бұл байланыс иммундық жүйе белсенділігіндегі өзгерістер арқылы жүзеге асатыны белгілі болды.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
