Атырауда баласының дүниеге келгенін жол үстінде тойлатқан әкеге айыппұл салынады
Әйелі мен баласын перзентханадан шығарып алған ер адам жол үстінде «ВАЗ(Lada)21099» және «Lada priora» көліктерімен түрлі қозғалыс жасаған.
14:30 02.12.2019
Сол үшін оған айыппұл салынатын болды. Атырау облыстық полиция департаментінің айтуынша, бұл жол жүрі ережесін бұзу күдігін тудырған. Әке болған ер адам мен оның жолдасы мінген автокөлік Атыраудағы жол үстіндегі бейнебақылау камерасына түсіп қалған. Көліктің ішіндегілер белбеу тақпағаны да камераға түсіп қалған.
«Рөлдегі ер адамның жүріп бара жатқан көліктің есігін ашып, тізгінді жібергені Атырау қалалық полиция басқармасының қызметкерлерін бей-жай қалдырмады. Экипаж жол ережесін бұзушыларға бірден жіберілді», – дейді полиция.
Полиция басқармасына әке болған ер адам өзінің бұл қылығын түсіндірді. Ол бақыттан осылай жасаған екен. Көлікті дұрыс қолданбау салондағы жолаушылар мен өзіне де қауіпті екенін айтқан полиция олардың үстінен бес хаттама толтырды.
Дереккөз: Stan.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
