Нұр-Сұлтанда 23 жастағы мас жігіт таксистің көлігін тартып алып, адам қағып өлтірді
Апат салдарынан 48 жастағы әйел оқиға орнында жан тапсырды.
13:03 03.12.2019
Нұр-Сұлтанда бөтен біреудің көлігін айдап кеткен жігіт екі адамды қақты.
"Таңғы сағат 06.52-де "Бизон" кафесінің жанында белгісіз ер адам таксисті ұрып-соғып, оның "Лада" автокөлігін теуіп кеткені туралы ақпарат түсті. Сағат 06.58-де аталған автокөлік Тәуелсіздік көшесінде жүргінші жолағымен жолдан өтпек болған екі адамды қақты. 23 жастағы күдікті қамауға алынды", - деп хабарлады полиция.
Ол мас күйде болған екен. Апат салдарынан 48 жастағы әйел оқиға орнында жан тапсырды. Көлік қаққан 2005-ші жылғы екінші жүргінші көптеген жарақаттарымен ауруханаға жеткізілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
