Ресейдегі хоккей турнирінде Қазақстан мен Чехия әнұраны алмасып кеткен
Бірінші арна кубогын ұйымдастырушылары хоккей сайысында Чехияның әнұранының орнына Қазақстанның әнұраның қосып жіберді.
01:19 17.12.2019
Оқиға 15 желтоқсан күні өткен Чехия мен Швеция хоккей құрамаларының ойынынын алдында болған. Ұйымдастырушылар қажетті жазбаны бірнеше минут іздеп қалған, осылайша жанкүйерлер мен хоккейшілер әнұранды акапелла орындаған. Сол үшін трибунадағылар ұйымдастырушыларды сөкті.
Ресей хоккей федерациясы ресми сайтында болған оқыс оқиға үшін кешірім сұрады. Бұл жарыста Чехия құрамасы швед ойыншыларына1:3 есебімен жеңіліпті. Аталған кубокта Швеция бірінші орынға, ал Ресей құрамасы екінші орынға табан тірепті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
