Балқашта жүк таситын пойыз көлікке соғылды: екі адам қайтыс болды
Жүк пойызы жол бойында келе жатқан жол талғамайтын көлікпен соқтығысып қалды.
01:26 18.12.2019
Қайғылы оқиға 17 желтоқсан, сейсенбіде Балқаш қаласынан 37 шақырым жерде, тосқауылмен жабдықталмаған Балқаш-Саяқ теміржол өткелінде орын алған. Апат салдарынан Toyota Prado көлігінің 56 жастағы жүргізушісі мен оның 33 жастағы жолаушысы алған жарақаттарынан оқиға орнында қайтыс болды, сонымен қатар осы көліктің 47 жастағы жолаушысы түрлі жарақаттармен медициналық мекемеге жеткізілді.
Аталған факті бойынша ҚР ҚК 345-бабының 4-тармағына сәйкес (жол ережесін бұзу, абайсызда екі немесе одан да көп адамның өліміне әкеп соғу) сотқа дейінгі тергеу басталды. Тиісті сараптама тағайындалды. Сотқа дейінгі тергеу барысында істің барлық жағдайлары анықталады. Баптың санкциясы белгілі бір лауазымдарды атқару немесе белгілі бір қызметпен айналысу құқығынан жеті жылға дейін бас тартуға, сондай-ақ, бес жылдан он жылға дейінгі мерзімге бас бостандығынан айыру жазасын қарайды.
Дереккөз: stan.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
