БҚО-да бір күнде екі автокөлік өртенді
Батыс Қазақстан облысында бір күнде екі автокөлік өртенді.
14:46 18.12.2019
БҚО ТЖ департаментінен түскен мәліметке қарағанда, оқиға кеше Бөрлі ауданы мен Орал қаласында орын алды. Бөрлі ауылында сағат 16.23-те жеке үйдің ауласында 2009 жылы шығарылған «ГАЗель» көлігі жанған.
Сол секілді Зачаган кентінде Целинная көшесі 32-үйдің ауласында сағат 22.45-те 2014 жылы шығарылған «УАЗ Патриот» автокөлігі өртенген. Қазіргі кезде өрттің шығу себебі, кінәлі адамдар, келтірілген шығын анықталуда. Осымен биыл облыста отқа оранған автокөліктер саны 100-ге жетті.
Оған қоса Бәйтерек ауданы Дариян ауылында кеше түнгі сағат 23.08-де Набережная көшесі 62-үйдің ауласында орналасқан монша өртенді. Оның аумағы 20 шаршы метрді қамтыды. Сонымен қатар өткен тәулікте облыс аумағында 18 жол-көлік оқиғасы тіркелді. Кеше кешкісін сағат 19.38-де Самара-Шымкент жолының 438-шақырымында DAF жүк көлігі мен «Лада Калина» соқтығысты. Жол апаты салдарынан түрлі жарақат алған әйел адам ауруханаға жеткізілді.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
