Алматыда автобус пен көлік соқтығысып, 3 әйел көз жұмды
Алматыда Боралдай тасжолында жеңіл көлік автобуспен соқтығысып, салдарынан үш жолаушы әйел қаза тапты.
12:48 20.12.2019
Жол апаты Боралдай тасжолында Водник ауылы маңында болған. Куәгерлердің айтуынша, Renault жүргізушісі батыс бағытта келе жатқан. Трудовик ауылына жақындағанда қарсы жолаққа шығып кеткен. Салдарынан № 15 бағыттағы автобуспен соқтығысып, автобус өзен жаққа қарай ұшып кете жаздаған.
Апат салдарынан жедел жәрдем келгенге дейін көліктің үш жолаушысы оқиға орнында қайтыс болды. Олар 1960, 1978 және 1988 жылы туған азаматшалар. Renault көлігінің ауыр халдегі жолаушысы жақын маңдағы ауруханаға жеткізілді. Оқиға орнына құтқарушылар шақырылды, олар өздігінен гидравликалық құралдарсыз мәйіттерді автокөліктен шығарып алды. Қазіргі уақытта полиция оқиғаның мән-жайын тексеруде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
