Автобус шатқалға құлап, ондаған адам қаза тапты
Индонезияда автобус шатқалға құлап, соның салдарынан кемінде 24 адам қаза тауып, тағы 13-і жарақат алды.
15:09 24.12.2019
Ондаған жолаушысы бар автобус дүйсенбіге қараған түні Оңтүстік Суматра провинциясындағы 150 метрлік шатқалға құлады.
«Автобус шатқалға құламастан бұрын бетон жол тосқауылына кіріп кеткен. Кейбір адамдар әлі де көліктің ішінде», - деп мәлімдеді баспасөз қызметі.
Оқиға орнына зардап шеккендерді іздеу үшін іздестіру-құтқару топтары жіберілді. Апат Пагар Алам қаласының маңындағы шалғай жерде болды, ол өз кезегінде іздестіру-құтқару топтарының жұмысына кедергі келтірді, бірақ соған қарамастан оқиға орнында зардап шеккендердің кейбірі ауруханаға жеткізілді, деп жазады ҚазАқпарат. Ресми мәлімет бойынша, апат болған кезде автобуста барлығы 27 жолаушы болған, бірақ кейбір аман қалған адамдар полицияға апат болған кезде онда 50 шақты адам болғанын айтты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
