Димаш әлемдегі ең үздік үш әншінің қатарына енді
Қазақстандық әнші Димаш Құдайберген Adagio World премиясының үздік үштігіне енді.
13:09 25.12.2019
Сыйлық тәуелсіз және аудиторияның дауысы негізінде беріледі. Дауыс беру Adagio.World веб-сайтында осы жылдың 25 қарашасы мен 25 желтоқсан аралығында өтті. Номинацияға барлығы 15 танымал әнші қатысты. Үміткерлердің қатарында Димаштан басқа Лара Фабиан, Сара Брайтман, Хосе Каррерас сияқты танымал жұлдыздар болды.
Осылайша, әннің ең жақсы орындаушысы ресейлік опера әншісі Сергей Дудинский болды, ал әйгілі француз әншісі Лара Фабиан күміске ие болды. Ал Димаш қола алды. Дауыс беруге бүкіл әлем бойынша 2,2 миллион адам қатысты. Димашқа 402 мыңнан астам дауыс берілді. Сонымен қатар, бірінші орыннан алшақтық онша үлкен емес: Сергей Дудинскийге 414 мың рет, Лара Фабианға 408 мың рет дауыс берілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
