Алматыдағы жекпе-жек кешінде Дәурен Ермеков чемпиондық белбеуді жеңіп алды
Алматыдағы «Алматы Аренада» аралас жекпе-жектен Gorilla Fighting Championship (GFC) 23 турнирі мәреге жетті.
07:30 26.12.2019
Басты жекпе-жекте қазақстандық Дәурен Ермеков пен ресейлік Артур Гусейнов орта салмақта лиганың уақытша чемпиондық белбеуін сарапқа салды. Қазақстандық жекпе-жек шебері үш раунд бойы басымдылығын көрсете білді. Қарсыласын тикдаунға да түсіріп, көбірек соққы жұмсай білді.
Төрешілер 30:28, 30:27, 30:27 есебімен бірауыздан жеңісті Д.Ермековке берді. Осылайша Дәурен өз дивизионында GFC-ның уақытша титулына ие болды. Бұл – оның кәсіби спорттық жолындағы 14-інші жеңісі. Турнирге құрметті қонақ есебінде UFC жұлдызы, ресейлік Хабиб Нурмагомедов қатысты. Ол – осы Gorilla Fighting Championship промоушны құрылтайшыларының бірі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
