Тоғызыншы қабаттан лифт құлап, бүтін бір отбасы көз жұмды
Сан-Паулу қаласында тоғызыншы қабаттан лифт құлап, төрт адамның өмірін қиды.
18:59 02.01.2020
Қайығылы оқиға 30 желтоқсанда Бразилияның Сан-Паулу қаласында болған. Лифтінің ішінде болған отбасының төрт мүшесі көз жұмды.
Басылымның хабарлауынша, 47 жастағы Джуселина Сантос қонақтарды тұрғын үйдің кіре берісінен күтіп алған: 43 жастағы әпкесі Люсинида де Соуза Гоес, оның күйеуі Эдисон Донизете және олардың 19 жастағы ұлы Эрик Мигель. Отбасы мүшелері тоғызыншы қабатқа көтерілу үшін лифтіге мінген. Бір уақытта жоғарыға көтеріле бастаған лифт төменге құлдилап құлайды.
Оқиға болған тұрғын үйдің адамдары лифтінің жиі істен шыққанын айтады. Ол жарты жолда тұрып қалып, есіктері ашылмай қалады екен, әрі апаттық батырмасы жұмыс істемейді. Бұзылған лифт 23 желтоқсанда пайдалануға берілген. Адам өлімінен соң лифт жабылды, оны мамандар тексереді.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
