Кореядағы байқауда қазақстандық бойжеткеннің көйлегі ең үздік деп танылды

Сұлулық байқауы бірнеше кезеңдерге созлыпты, ал ең сұлу атануға 50 мемлекеттен келген бикеш бақ сынаған. Қарағанды мемлекеттік университетінің студенті ең үздік ондықтың қатарына кіріпті. Оның киген ұлттық киіміне әділқазылар жоғары баға берген көрінеді. 

"Айсұлудың өнері ең үздік бестіктің арасынан орын тапты. Әділқазылар мен ұйымдастырушылар Қазақстанда көрікті де білімді адамдар тұратындығын алға тартты", - деді қазақстандық модельдік агентігінің өкілдері. 

Өз кезегінде Айсұлу Ерболова өзіне қолдау көрсеткендерге алғысын білдірді. 

"Мен сіздердің қамқорлықтарыңыз бен көңілдеріңізге ризамын. Сіздерге денсаулық, бақыт және сәттілік тілеймін. Құттықтауларыңыз бен маған танытқан ықыластарыңызға рахмет", - деді Айсұлу. 

Айсұлу байқау кезінде өнер көрсеткенде Қазақстанды таныстырып, еліміздің табиғатын көрсетіпті. Бойжеткеннің өзі болса жастайынан бимен әуестеніп, бос уақытында суретке түсіріп, атпен серуендегенді ұнатады екен. Miss World University- жыл сайын студенттердің арасында өтетін байқау болып табылады. 2019 жылы ол Чеджудода өткен еді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!