Ғалымдар қатерлі ісікпен күресудің әмбебап жолын тапты

Кардифф университетінің ғалымдар тобының ашқан жаңалығы дәрігерлерге адамның иммундық жүйесін рак клеткаларына қарсы «түзетуге» мүмкіндік береді. Бұл онкологиялық аурудың әмбебап еміне есік ашуы мүмкін. Бұл әдіс әлі клиникалық сынақтан өтпеген, бірақ зерттеушілер оның үлкен әлеуеті бар дейді. Жұмыстың қысқаша мазмұны Nature иммунология журналында жарияланды.

Зерттеудің мәні иммундық жүйенің қатерлі ісікпен күресетін «ерекше» әдістерін іздеу болды. Ғалымдар Т-лимфоциттің ерекше түрін - адам ағзасындағы иммундық жүйеге жауап беретін жасушаны анықтап алды. Алайда ғалымдар тапқан жасуша, басқалардан айырмашылығы, түрлі қауіптерге төтеп бере алады. Бұл барлық науқастарды емдей алатындай мүмкіндік бар. Бұрын бұл мүмкін емес еді.

Т-лимфоциттердің (немесе Т-жасушалардың) бетінде химиялық рецепторлар бар, олар ағзада қауіпті антигендерді анықтайды. Ғалымдар тобы рак клеткаларының көптеген түрлеріне шабуыл жасайтын Т-лимфоциттердің түрін табудың жолын таба білді. Бұл әдіс өкпе, қан қатерлі ісігі, ішек, сүт безі, сүйек, қабыну, аналық без бен жатыр мойны жасушаларында сыналды. Лимфоцит рак клеткаларын жойып, сау жасушаларға қол тигізбеді. Т-лимфоцит рак клеткаларын сау жасушалардан қалай ажырататыны әлі белгісіз. Оның рецепторы адам денесіндегі әрбір жасушаның бетінде орналасқан MR1 деп аталатын молекуламен әрекеттеседі.

Дереккөз: Stan.kz

Бізді Youtubе-та қараңыз! Бізді Facebook-та, Instagram-да, Telegram-да оқыңыз!