Атырауда 16 қабатты тұрғын үй өртенді
Атырауда 16 қабатты үйде электр кабельдері жанып, тұрғындар эвакуацияланды.
12:01 22.01.2020
«22 қаңтар күні сағат 02.46-да Атырау қаласының «101» пультіне Алмагүл шағынауданындағы 16 қабатты тұрғын үйде өрт шыққаны туралы хабар түсті. Оқиға орнына жеткен құтқарушылар 9-дан 12-інші қабат аралығындағы кабельді каналда электр сымдары жанып жатқанын анықтады. Өрт сөндірушілер тұрғындарды эвакуациялауға және жалынды сөндіруге дереу кірісті. Мәселен, саты арқылы 10 адам құтқарылды, оның 4-еуі – балалар. 25 адам эвакуацияланды, оның ішінде 8-і – балалар», - деді ТЖК-дан.
Тілсіз жау 03.40-та толығымен ауыздықталды. Жалын 8 шаршы метр аумақты шарпыған. Атап өтілгендей, қаза болғандар мен зардап шеккендер жоқ. Өртті сөндіруге Атырау облыстық ТЖД-ның жеке құрамының 21 адамы мен 4 техникасы жұмылдырылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
