Ауғанстанда 83 жолаушысы бар ұшақ құлады
Ауғанстанда Ariana Afghan Airlines әуе компаниясының ұшағы апатқа ұшырады.
18:17 27.01.2020
Ауғанстанның шығысындағы Газни провинциясында Ariana Afghan Airlines әуе компаниясының ұшағы апатқа ұшырады. Ariana News хабарлауынша, алдын ала мәлімет бойынша, бортта 83 адам болған. Газни губернаторының өкілі оқыс оқиға Дех Як ауданында болғанын нақтылады.
Дереккөздің мәліметінше, оқиға орнына арнайы мамандар жіберілді. Ariana News телеарнасы апатқа ұшыраған жолаушылар ұшағы Гератадан Үндістан астанасы Делиге ұшып бара жатқанын мәлімдеді. Айта кетерлігі, Ariana Afghan Airlines Ауғанстан ұлттық әуе компаниясының өкілдері Газни провинциясындағы лайнердің апатқа ұшырағаны туралы хабарламаны жоққа шығарды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
