Исламды «жеккөрушілік діні» деп атаған бойжеткен сынның астында қалды

Пікірталас 18 қаңтарда Мила есімді орта мектеп оқушысы Инстаграмда өзінің жыныстық қалауы туралы сөйлескен кезде басталды. Эфир барысында қолданушылардың бірі - жас мұсылман оны «лас лесбиян» деп атады. Жауап ретінде Мила жаңа бейнені жариялады, онда ол өзінің дінге деген жеккөрушілігін жариялады және Құранды «жеккөрушілік діні» деп атады. Ол одан да ауыр сөздерді қолданды.

«Мен нәсілшіл емеспін. Сіз дінге қатысты нәсілшіл бола алмайсыз. Мен не ойлағанымды айтып отырмын және бұл сөздерімнен бас тартпаймын», - деді ол кейінірек басқа видеода.

Осыдан кейін Милаға сын айтыла бастады. Кейбір комментаторлар оны өлтіремін деп қорқытты, қыздың жеке мәліметтері желіде жарияланды. Осыдан қорыққан Мила мектепке баруды тоқтатты. Сонымен қатар ол өзінің Инстаграмдағы аккаунтын жапты. Француздың TMC телеарнасындағы Today бағдарламасына берген сұхбатында бойжеткен өзінің бүкіл өмірі «тоқаһтап қалғандай күйде» екенін айтты және мектепке бармау туралы шешімін түсіндірді.

Ол өзін «өртеп, ұрып-соғып, жалаңаштап немесе тірідей көміп тастап кете ме деп» қауіптенеді. Франция Мұсылман Кеңесінің жетекшісі Мұхаммед Муссауи Миланың айтқандары қаншалықты маңызды болса да, адам өлтіру қаупін ешнәрсе ақтамайтынын айтты. Телевизияға берген сұхбатында Мила дінді бейбіт түрде ұстанатын адамдардан кешірім сұрап, оның сөздерінің дөрекілігі мен ғаламторда таралғанына өкінетінін айтты.

Алайда ол: «Ия, мен оған тіл тигізгім келді. Мен айтылған сөзге еш өкінбеймін. Мен шынымен солай деп ойлаймын», - деді.

Полиция екі тергеуді бастады: біреуі Милаға қарсы - оның сөздерінде діни алауыздықты қоздыру белгілері бар-жоғын білу үшін, екіншісі - оны қорқытқандарға қарсы. Бірінші іс жабылды: билік Мила дін туралы жеке пікірін білдірді және ешкімді ренжітпеді деген қорытындыға келді. Францияда зайырлы конституция бар және дінді қорлауға қарсы ешқандай заң жоқ.

Сейсенбі күні Францияның ішкі істер министрі Кристоф Кастанер парламентте сөйлеген сөзінде Мила мен оның отбасы полицияның қорғауына алынғанын айтты. Францияның білім министрі Жан-Мишель Бланкер билік Миланы мектепке қайтару және қалыпты жағдайға келтіру үшін қадамдар жасап жатыр дейді. Оқиға сөз бостандығы туралы пікірталасқа жаңа серпін берді.

Интернетте #JeSuisMila («Мен Мила») және #JeNeSuisPasMila (мен Мила емеспін) хэштегтері таралды. Әділет министрі Николь Беллубе қауіпті қолайсыз деп атады, бірақ сенушілердің сезімдерін қорлау ар-ождан бостандығы қағидатын бұзу болып табылады дейді. Сенатор Лоран Россиньоль өзінің түсініктемесінде министрге конституциялық заңға қатысты екі қою керек деді, өйткені Францияда белгілі бір діннің ізбасарларын қорлауға тыйым салынады, бірақ дінді және оның рәміздері сияқты қорлауға рұқсат етіледі деді.

Кейінірек Беллубе ыңғайсыз пікір айтқанын мойныдады. Оңшыл Ұлттық майданның лидері Марин Ле Пен Миланы  қолдады және бұл қыздың «соңғы 30 жылдағы биліктің барлық саяси таптарына қарағанда батыл» екенін айтты. Қазан айында президент Эммануэль Макрон мұсылмандарды шеттетуді және исламның терроризммен байланысына қарсы болуды ескертті.

Дереккөз: stan.kz

Бізді Youtubе-та қараңыз! Бізді Facebook-та, Instagram-да, Telegram-да оқыңыз!