Қытайдан тағы 217 қазақстандық эвакуацияланды
Қытай астанасы Бейжіңнен Қазақстанның 217 азаматы эвакуацияланды.
10:21 11.02.2020
Бұл туралы Үкімет отырысында ҚР Денсаулық сақтау министрі Елжан Біртанов айтты.
«Бүгін таңертеңгі 06.05-те Бейжің қаласынан Қазақстанның 217 азаматы жеткізілді. Олардың барлығы қазір арнайы медициналық ұйымға орналастырылып жатыр. Араларында науқас адамдар тіркелген жоқ», - деді Елжан Біртанов.
Олар карантин аймағынан эвакуацияланбағандықтан, небәрі үш күнге ғана карантинге жабылады. Бұған дейін 1 ақпанда Ухань қаласынан санавиация арқылы 83 қазақстандық елге оралған еді. Сондай ақ 18 Қырғызстан азаматы, Беларусьтің бес азаматы және бір Армения азаматы эвакуацияланды. Олардың арасында коронавирус тіркелген жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
