Коронавирустан бір тәулікте 97 адам қайтыс болған
Қытайда коронавирус жұқтырған адамдардың саны 44,6 мыңға жетті, олардың 1113-і қаза тапқан, 4740-ы емделген.
10:48 12.02.2020
Бұл туралы ҚХР денсаулық сақтау мәселелері бойынша мемлекеттік комитет мәлім етті. Бұған дейін 42,6 мың адамның вирус жұқтырғаны еді. Олардың 1016-сы қайтыс болған, ал 3996-сы емделіп, ауруханадан шыққан болатын.
"11 ақпан түнгі жағдай бойынша, денсаулық сақтау мәселелері бойынша мемлекеттік комитет 31 провинциядан коронавирустың жаңа түрін жұқтырғандардың саны 44653 болғаны туралы мәлімет алды. Қазіргі уақытта 38800 адам ауырып жатыр (8204 адам ауыр халде), 4740 адам ауруханадан шыққан, ал 1113 адам қайтыс болды", - делінген комитет хабарламасында.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
