Коронавирус Ұлыбритания астанасына жетті
Коронавирус ауруы Ұлыбританияның Лондон қаласында тіркелді.
16:13 13.02.2020
Ресми деректерге сәйкес, сырқаттанған адамдарың саны 9-ға жетіпті. Соңғы рет дертке шалдыққан әйел 12 ақпан күні ауруханаға келіпті. Ол қазір Лондонның ауруханасында ем қабылдап жатқан көрінеді. Науқас бірнеше күн бұрын Қытайдан оралған. Ресми өкілдер оның коронавирусты ҚХР-де жұқтырғанын растап отыр.
"Коронавируске жасалған сараптама нәтижесі оң болып шықты. Осылайша Ұлыбританияда ауруға шалдыққандардың саны 9-ға жетті", - деді Англияның бас санитар дәрігері Крис Уитти.
Бұл жағдай елдің астанасында үрей туғызуы әбден мүмкін деп жазыпты британдық БАҚ өкілдері. Ұлибритания билігі науқастар қарым-қатынаста болған әрбір азаматты іздеуді қолға алыпты. Атап кетерлік жайт, коронавирусты жұқтырғандардың саны 48,2 мыңнан асыпты. Жұқпалы індет осы уақытқа дейін 1310 адамның өмірін жалмап үлгерген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
