Қазақстанның алты өңірінде басшылар ауысты
Бірқатар облыста, сондай-ақ оңтүстік астанада департамент басшылары ауысты.
13:08 14.02.2020
Бұрынғы төрағалардың не себептен қызметтен кеткені хабарланған жоқ. Қазақстанның бес облысы мен Алматы қаласында қылмыстық-атқару жүйесі департаменттерінің басшысы ауысты. Тиісті жарлыққа ішкі істер министрі Ерлан Тұрғымбаев президент әкімшілігімен келісілгеннен кейін қол қойды.
polisia.kz сайты хабарлағандай, кадрлық ауыс-түйіс мына өңірлерде болды:
Ақтөбе облысы бойынша – әділет полковнигі Алмас Әбжанұлы Шамишев;
Алматы облысы бойынша – әділет полковнигі Серік Жақсылықұлы Әбдікәрімов;
Алматы қаласы бойынша – әділет полковнигі Дархан Тұрсынұлы Қанатбеков;
Батыс Қазақстан облысы бойынша – әділет полковнигі Азамат Әбдіғалиұлы Ізтілеуов;
Қарағанды облысы бойынша – әділет полковнигі Ғазиз Әбікенұлы Тәкешев;
Солтүстік Қазақстан облысы бойынша – әділет полковнигі Рустан Серікұлы Ахметжанов.
Тағайындалған басшылар бұрын облыстарда қылмыстық-атқару жүйесі департаменттерінде басшылық қызметтер атқарған. Құқық қорғау органдарында көпжылдық жұмыс тәжірибесі бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
