Семейде көпқабатты үй өртеніп, бір адам қаза тапты
Семей қаласындағы Шүлбі кентінде бесқабатты тұрғын үйде өрт шығып, бір адам көз жұмған.
17:50 20.02.2020
ШҚО ТЖД баспасөз қызметінің мәліметіне сүйенсек, кеше түнде 101 нөміріне хабарласқан тұрғындар Шүлбі кентінде өрт шыққанын айтқан. №40 өрт сөндіру бөлімшесінің құтқарушылары бірден оқиға орнына аттанады. Анықталғандай, 2-ші ықшам аудандағы бесқабатты тұрғын үйдің бір бөлмелі пәтерінде өрт шығыпты. Ағаш жиһаз құрылымдарды шарпыған тілсіз жаудың жалпы аумағы - 4 шаршы метр.
«Подъезд ішін көк түтін тұмшалаған. Құтқарушылар 23 адамды эвакуациялады. Өрт сөндіру кезінде еденнен 1954 жылы туған үй иесінің жансыз денесі табылды», - деп хабарлады ведомство өкілдері.
Қызыл жалын 22 сағат 38 минуттың ішінде толықтай ауыздықталды. Алдын ала болжам бойынша, өрттің шығу себебі - мас күйінде темекі шегу немесе отты абайсыз пайдалану.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
