Зайсан ауданында дүрбелеңнен соң жаңа әкім тағайындалды
Шығыс Қазақстан облысы Зайсан ауданына жаңа әкім тағайындалды.
11:44 24.02.2020
Өткен аптада коронавирусқа байланысты тұрғындары өз алаңдаушылықтарын білдірген Зайсан ауданына бүгін жаңа әкім таныстырылды. Аймақ басшысы Даниал Ахметовтың үкімімен Зайсан ауданының әкімі лауазымына Серік Зайнулдин тағайындалды. Серік Зайнулдин осыған дейін Үржар ауданының әкімі қызметін атқарған. Ол 1964 жылғы 25 ақпанда Зайсан қаласында туған.
Естеріңізге сала кетейік, 19 ақпанда Зайсан ауданының Сарытерек және Айнабұлақ ауылдарының тұрғындары "Қытайдан келгендерді коронавирусқа байланысты осы елді мекендердегі медициналық пункттерге орналастырады" деген анық-қанығы белгісіз хабарды бір-бірінен естіп, бұған өз наразылықтарын білдірген болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
