8 наурызда әйелдерге ақша берілетін болды
8 наурыз Халықаралық әйелдер күніне орай, Түркіментстанның қыз-келіншектеріне ақша берілетін болды.
13:07 28.02.2020
Бұл туралы сол елдің президенті Гурбангулы Бердымухамедов 27 ақпанда өткен үкімет отырысында экономика және қаржы вице-министріне тапсырма берді. Ол 60 манат (нарықтық курспен есептегенде шамамен 3 доллар) ақшалай сыйақы табыстау туралы бұйрық берді.
Бұл сыйақыны жұмыс істейтін әйелдер, студенттер, зейнетақы мен жәрдемақы алатын әйелдер алады. Балабақшаға бармайтын бүлдіршін қыздар мен 3 жасқа дейінгі балалары жоқ жұмыссыз әйелдер (балалар жәрдемақысын алмайтын) сыйлықтар алмайды. Себебі оларға қаражат жалақы, жәрдемақы немесе зейнетақы беретін ұйымдардың бюджетінен бөлінуі тиіс.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
