Коронавирус Беларусь еліне жетті
Бакуден Беларуське барған Иран азаматы коронавирус жұқтырған болып шықты.
17:00 28.02.2020
Студент инфекциялық ауруханаға жатқызылды. Беларусь елінде коронавирус жұқтырудың алғашқы оқиғасы тіркелді.
"Республикалық эпидемиология және микробиология ғылыми-практикалық орталығында 27 ақпанда жасалған сынақ нәтижесі Бакуден келген студенттердің бірі коронавирус жұқтырғанын көрсетті. Иран азаматы елге 22 ақпан күні ұшып келген", - деп жазылған ведомствоның ресми сайтында.
Министрліктің мәліметінше, студент және онымен байланыста болғандар Минск инфекциялық ауруханасының жабық орталықтарына жатқызылған. Ал науқастың жағдайы қанағаттанарлық деңгейде. Қазіргі кезде ел аумағында коронавирустың таралуына қарсы санитарлық-эпидемиологиялық шаралар жүргізіліп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
