Назарбаев Путинмен телефон арқылы сөйлесті
Сұхбаттастар екіжақты және халықаралық күн тәртібіндегі өзекті мәселелер, соның ішінде Сирия дағдарысын реттеу бойынша пікір алмасты.
17:21 07.03.2020
Елбасы Нұрсұлтан Назарбаев Ресей президенті Владимир Путинмен телефон арқылы сөйлесті. Тараптар екіжақты және халықаралық күн тәртібіндегі өзекті мәселелер, соның ішінде Сирия мәселесі бойынша өткен Ресей-Түркия келіссөздерінің қорытындысы бойынша пікір алмасты. Нұрсұлтан Назарбаев пен Владимир Путин алдағы кездесудің кестесін талқылады.
Әңгіме соңында тараптар биыл Қазақстан-Ресей саяси байланыстарының нығая түскенін атап өтті. Жұма күні Ресей Қауіпсіздік кеңесі басшысының орынбасары Дмитрий Медведев Қазақстанға бір күндік сапармен келді. Ол президент Қасым-Жомарт Тоқаевпен және Қазақстан Қауіпсіздік кеңесінің басшысы Нұрсұлтан Назарбаевпен кездесті. Тараптар екіжақты қарым-қатынастар мәселелерін талқылады.
Назарбаев Ресеймен ішкі және сыртқы саясат мәселелері бойынша ынтымақтастықты жалғастыруға дайын екенін мәлімдеді. Дмитрий Медведев Назарбаев кітапханасына естелік жазба қалдырды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
