Коронавирус жұқтырған соңғы екі адамға қатысты мәліметтер жария етілді
Қарағанды облысында «COVID-19» инфекциясын жұқтырған соңғы екі адам аталмыш инфекцияны жұқтырған адаммен байланыста болғандықтан сынама алу барысында анықталған.
10:22 09.04.2020
2 науқастан коронавирус инфекциясын жұқтырған адаммен қарым-қатынаста болуына байланысты карантиндік стационарға жатқызылып, зертханалық сынамалар алынған. Оларда ПТР диагностикалық зерттеу қорытындысымен COVID-19 диагнозы нақтыланды.
Қазіргі таңда науқастардың жағдайлары қанағаттанарлық. Бекітілген хаттамаға сәйкес тиісті ем жүргізілуде. Науқастармен қарым-қатынаста болған адамдар анықталып, барлығы медициналық бақылауға алынып жатыр.
Ауру ошақтарында эпидзерттеу жұмыстары, дезинфекциялық жұмыстар жүргізілуде. 9 сәуірде сағат 10:00-дегі жағдай бойынша облыста COVID-19 коронавирус инфекциясына шалдыққан 57 адам анықталған. Қарағанды облысында үй карантинінде 1 594 адам бар, ал тәулік бойы бақылауға 818 пациент алынған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
