Атырауда екі апта емделген 14 жасар қыз коронавирустан жазылып, үйіне шықты

Атырау облысында коронавирус инфекциясын жұқтырғандар арасынан 2 адам жазылып шықты. «Олар –Атырау облысында Covid-19 инфекциясын алғаш жұқтырғандар. Бүгін, 12 сәуірде инфекциялық стационардан қауіпті індеттен айыққан 2 адам шықты. Біреуі –14 жасар қыз, екіншісі – 19 жастағы жігіт. Екеуі де 27 наурызда инфекциялық стационарға жатқызылған болатын», - деп хабарлады өңірлік жедел штабтан. Атырау облысында корнавирусты жұқтырған 59 адам тіркелген.