Тоқаев әлеуметтік желіде жазба жариялады
Мемлекет басшысы Қасым-Жомарт Тоқаев мерекемен құттықтауын өзінің Twitter-дегі парақшасында жариялады.
20:00 12.04.2020
Президент Байқоңыр ғарыш кеңістігін игерген адамзат жетістігінің символы деп атады. Мемлекет басшысы Twitter-дегі парақшасында жазба жариялап, қазақстандықтарды Ғарышкерлер күнімен құттықтады.
"Баршаңызды бүгінгі тамаша мереке - Ғарышкерлер күнімен құттықтаймын! Қазақстан әлемдік космонавтиканың дамуына зор үлес қосқаны сөзсіз. Байқоңыр - ғарыш кеңістігін игерген адамзат жетістігінің символы. Қазақ ғарышкерлерін мақтан тұтамыз!", - деп жазды президент.
Ғарышкер күні 12 сәуірде аталып өтеді. 1961 жылы дәл осы күні ғарышкер Юрий Гагарин "Байкоңыр" ғарыш айлағынан "Восток-1" кемесімен тұңғыш рет ғарышқа аттанды. Ұшу уақыты 108 минут болды. Шамамен 60 жыл ішінде ғарышта үш қазақстандық ұшқыш-ғарышкер болды: Тоқтар Әубәкіров, Талғат Мұсабаев және Айдын Айымбетов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
