Тоқаев ұлттық банкті көшіру туралы жарлыққа қол қойды
Ұлттық банктің орталық аппараты Алматыдан Нұр-Сұлтанға осы жылдың бірінші шілдесіне дейін көшуі керек.
12:35 16.04.2020
Қазақстан президенті Қасым-Жомарт Тоқаев ұлттық банкті Алматы қаласынан Нұр-Сұлтанға көшіру туралы жарлыққа қол қойды.
"Қазақстанның ұлттық банкіне 2020 жылдың 1 шілдесіне дейін ұлттық банктің орталық аппаратын Алматы қаласынан Нұр-Сұлтан қаласына көшіруді қамтамасыз ету тапсырылды", - делінген жарлықта.
Ұлттық банктің Алматыдан елордаға көшірілетіні туралы бұған дейін айтылған болатын. Осы жылдың қаңтарынан Қазақстанның ұлттық банкі қайта құрылды. Банктен жаңа дербес құрылым - қаржы нарығын реттеу және дамыту агенттігі бөлініп шықты. Ұлттық банк секілді агенттік те Қазақстан президентіне тікелей бағынып, есеп береді.
Ұлттық банктің бас кеңсесі Нұр-Сұлтан қаласына көшірілсе, ал агенттік Алматыда қалады. Қаржы нарығын реттеу және дамыту агенттігіне Қазақстанның орталық банкінің штатынан 500 адам ауысты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
