Түркістанның бұрынғы әкімі Әліпбек Өсербаев көз жұмды
Түркістанның экс-әкімі, Түркістан облысы Ордабасы ауданының әкімі Әліпбек Өсербаев қайтыс болды.
11:18 18.04.2020
Оның 17 сәуірде көз жұмғаны хабарланған. Аудан басшысының қайтыс болу себептері туралы ештеңе айтылмаған.
Әліпбек Өсербаев 1961 жылы 20 тамызда Оңтүстік Қазақстан облысының (қазіргі Түркістан облысы) Қызылқұм ауданында дүниеге келген. Білімі бойынша химик-инженер және технолог болды. Еңбек жолын 1983 жылы Қарағанды асбест цемент зауытының жүргізушісі қызметінен бастады. Содан кейін әр уақытта Түркістан қаласының құрылыс бөлімін және ОҚО кәсіпкерлік және индустриалды-инновациялық дамыту басқармасын басқарды. Ол сонымен қатар Түркістан және Кентау әкімдерінің орынбасары болған.
2017 жылдың желтоқсаны мен 2018 жылдың маусымы аралығында Оңтүстік Қазақстан облысы әкімінің бірінші орынбасары болған.
2018 жылдың маусым айынан 2019 жылдың шілдесіне дейін Түркістан қаласының әкімі болды, кейін Ордабасы ауданының әкімі болып тағайындалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
