Бүгін Назарбаев Қауіпсіздік кеңесінің отырысын өткізеді
Қазақстанның тұңғыш президенті - Елбасы 24 сәуір күні Қауіпсіздік кеңесінің отырысын өткізетіні хабарланды.
15:39 24.04.2020
Жұма күні Нұрсұлтан Назарбаевтың төрағалығымен Қауіпсіздік кеңесінің отырысы өтеді. Бұл туралы президенттің баспасөз хатшысы Айдос Үкібай хабарлады. Үкібай ақпаратты өзінің Twitter-дегі парақшасында жариялады.
2020 жылдың ақпан айында Назарбаев Қауіпсіздік кеңесінің отырысын өткізіп, Жамбыл облысы Қордай ауданындағы тәртіпсіздіктерге қатысты ойын айтқан болатын. Қауіпсіздік кеңесі мемлекеттік органдар мен ұйымдардың, құқық қорғау және арнаулы мемлекеттік органдардың елдің ұлттық қауіпсіздігі мен халықаралық ұстанымдарын, мемлекеттің қорғаныс қабілетін үйлестіреді.
Сондай-ақ заң жобаларын талдайды және өз құзыреті шеңберінде нормативтік құжаттардың орындалуын бақылайды. Қауіпсіздік кеңесінің құрамын президент Қауіпсіздік кеңесінің төрағасымен келісе отырып қалыптастырады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
