Көкшетауда қараусыз қалған үйдің ішінен 3 жасар бала табылды

Ақмола облысында жазғы маусымда суға шомылу кезінде орын алатын қайғылы жағдайларды алдын алу бойынша қауіпсіздік шараларын түсіндіру рейдтері өткізілуде. Облыс орталығында жүргізілген осындай рейд барысында Көкшетау қаласының құтқару бөлімшесінің басшысы Роман Шевченко және бас құтқарушысы Ерлан Жапаров Қопа көлінің жағасына жақын маңдағы Набережный көшесінің бойында қараусыз қалған тұрғын үйдің ішінен 2017 жылғы ұл баланы тапқан. Бала есімін және үйінің мекен-жайын білмеген.

Құтқарушылар баланың ата – анасы мен тұратын үй анықтау үшін сол маңдағы үйлердің аулаларын аралып шықты. Нәтижесінде баланың әжесі табылды. Бастапқыда баланы ұрлады деп айғайға басқан әжесі кейін жағдайды сұрастыра келе, немересін үйіне жеткізген құтқарушыларға алғысын айтты. Әжесінің айтуынша, баланың анасы азық-түлік алу үшін дүкенге кеткен, ал әжесі ойнап жүрген баланың ауладан қалай шығып кеткенін байқамай қалған. Осы ретте, тәртіп сақшылары, тұрғындарға балаларды жалғыз қалдырмауға және оларға қауіпсіздік негіздерін үйретуге шақырады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!