Блок-бекеттегі оқиға: Күдікті полицей 4 күн бұрын жұмысынан кеткен
Алматы полициясы блокпоста болған жол апатына айыпты, бұрынғы полиция қызметкері Азат Азаматов туралы мәлімет таратты.
18:38 09.06.2020
«Азат Азаматов ішкі істер органдарында 2014 жылдың 30 сәуірінен 2020 жылдың 21 мамырына дейін Патрульдік полиция инспекторы болып жұмыс істеген. Жол апатынан 4 күн бұрын ол өз еркімен қызметінен кеткен. Жауапкершілігінің төмен болуына байланысты қызмет еткен жылдары 4 рет тәртіптік жазаға тартылып, бірде-бір рет ынталандыру сыйақысын алмаған.
Жол апаты кезінде ол мас болған. Оны сот-наркологиялық сараптама көрсетті. Сараптама қорытындысына сәйкес, ол орташа дәрежелі мас болған. 25 мамырдағы жол апатынан соң, жеке құраммен профилактикалық жұмыс ақсап тұрғандығы туралы қорытынды шығарылды. Одан бөлек, БАҚ-қа жаңсақ ақпарат берілгеніне байланысты сын айтылды», - деді полицияның баспасөз қызметінен.
Қазір бұл дерек бойынша тергеу жұмыстары жүріп жатыр. Қажетті сараптамалар тағайындалған. Күдікті ҚР ҚК-нің 345-бабы 1-бөлігіне сәйкес 7-ден 10 жылға дейін бас бостандығынан айрылуы мүмкін. Қайғылы оқиғадан соң ҚР ІІМ қалалық Полиция департаментінің 9 қызметкеріне қатысты жаза тағайындап, 3 қызметкер қызметінен шеттетілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
