Көкөніс пен жемісті қандай сумен жуу керек
Инфекцияны ауыз арқылы жұқтыруға қатысты нақты мәлімет жоқ.
08:38 10.06.2020
Дегенмен, жеке гигиенаны сақтап, жемісті де, көкөністі де ыстық сумен жуу керек. Қазақстанның бас мемлекеттік санитар дәрігері Айжан Есмағамбетова коронавирус инфекциясының азық-түлік арқылы жұғу қаупі жайында айтты.
"Дәл қазір инфекцияны ауыз арқылы жұқтыруға қатысты нақты мәлімет жоқ. Дегенмен, жаз болғасын ішек инфекциялары бар екенін ұмытпау қажет. Сондықтан жеке гигиенаны сақтап, жемісті де, көкөністі де жуып жеу керек, бірақ сабынды сумен емес", - деді Есмағамбетова онлайн брифингте.
Оның айтуынша, COVID-19 көбінесе ауа арқылы таралады. Алайда тауардың қаптамасында да инфекция болуы мүмкін. Әзірше, ондай жағдайлар тіркелмеген. Дегенмен, ғалымдар вирустың пластикте 72 сағат, ал қағаздың бетінде 24 сағатқа дейін сақталатынын жазып жүр.
"Коронавирустың азық-түлік қаптамасы арқылы жұғуы екіталай. Соған қарамастан, сақтық шараларын сақтау қажет. Тауарды қаптамамен сатып алсаңыз, оны алып тастаңыз. Мысалы, жеміс пен көкөністі ыстық сумен жуған дұрыс. Себебі вирус жоғары температураға шыдамайды", - деп түсіндірді Есмағамбетова.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
