Әлемде коронавирустың алты түрі тарап жатыр
АҚШ ғалымдары қазір әлемде коронавирустың алты түрі тарап жатқанын анықтады.
16:26 10.06.2020
Ғалымдар COVID-19-дың 10,4 мың үлгісін зерттеуге алып, оларды топтастыра бастаған. Зерттеудің бұл әдісі барлық генетикалық мәліметті санап, коронавирустың түрлерін анықтауға бағытталған екен.
"Жаңа тәсіл бойынша біз геномы бір-біріне ұқсас вирустарды өшіріп, тек әртүрлі инфекция тудырушыларды жинадық", - дейді зерттеушілер.
Осылайша сарапшылар әлемде таралып жатқан коронавирустың әртүрлі екенін анықтапты. Ғалымдардың айтуынша, АҚШ-та СС256 және CC258 вирустары кеңінен таралса, Еуропада СС70 және CC225 коронавирус түрлері тараған. Ал Оңтүстік Америкада CC300 вирусы тарап жатыр екен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
