Елордада «Газель» көлігі жарылып, жанып кетті
Елордада Алаш тасжолы бойында «Газель» көлігі жанып кетті.
14:40 17.06.2020
Қалалық Төтенше жағдай департаментінің мәліметінше, оқиға бүгін түс уақытында болған.
«Сағат 12.07 уақытында Нұр-Сұлтан қаласының ТЖД бөлімшесінің өрт сөндірушілері 2 арнайы техникамен (9 адам) Алаш тасжолы 20 «а» мекенжайына шұғыл шықты. Оқиға орнында газбаллонды құрылғысы бар «Газель» маркалы көліктің жанып жатқаны белгілі болды», - деп хабарлады департаменттен.
Анықталғанындай, өрт салдарынан көлікке орнатылған газ құрылғы жарылған. Санаулы минуттардың ішінде құтқарушылар тілсіз жауды ауыздықтап үлгерді. Зардап шеккендер немесе жарақат алғандар жоқ. Өрт электр сымдарының тұйықталуынан тұтануы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
