Бурабай мен Зеренді карантин аяқталғанға дейін жабылады
Ақмола облысының туризм басқармасы 24 шілдеден бастап Бурабай мен Зерендідегі курорттық аймақтардың жабылатындығы туралы мәлімдеді.
11:40 21.07.2020
Ведомство хабарламасында облыстың туристік аймақтары 24 шілде 00:00-ден бастап 3 тамыз 00:00-ге дейін жабық болатыныны айтылған. Бұған карантин шараларының күшейтілуі мен демалушылардың азаматтық жауапкершілігінің төмен болуы себеп.
"Туристік аймақтарға кіре берісте периметр бойында бақылау-өткізу пункттері орнатылып, көлік құралдарының қозғалысы шектеледі", - деді басқармадағылар.
Бұған дейін келген турситер қонақүйлер мен шипажай-курорттық нысандарда қалады. Демалыстағы адамдар бетперде тағып, қашықтықты сақтауы тиіс екені айтылған. Қонақүйлерге бөлмелерді брондауға өтініш қабылдамау тапсырылды.
Мемлекеттік тапсырыс бойынша жұмыс істейтін нысандар күшейтілген санитарлық-дезинфекциялық режимде қызметін жалғастырады. Жалға берілетін жағажайлар, сауна, қонақүй бассейні жабылады. Жағалаудағы сауда орындары мен қайық стансаларының жұмысы тоқтатылады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!