Көбейтұз көлі жалға берілмейтін болды
Ақмола облысының Табиғи ресурстар және табиғатты пайдалануды реттеу басқармасы Ерейментау ауданындағы Көбейтұз көлін 49 жылға рекреациялық мақсатта жалға берілмейтінін жариялады.
08:42 22.07.2020
Облыстық басқарма бұған дейін жарияланған конкурстың бірінші тармағы алынып тасталғанын айтты.
«Ақмола облысының Табиғи ресурстар және табиғатты пайдалануды реттеу басқармасы рекреациялық мақсатта жалға беру бойынша конкурс тізіміндегі су объектілері арасынан Көбейтұз көлін алып тастады», - дейді басқарма.
Бұған дейін Ақмола облысының табиғи ресурстар және табиғатты пайдалануды реттеу басқармасы Көбейтұз бен Қоржынкөл көлдерін 49 жылға жалға беруге байқау жариялаған еді. Еске салсақ, елордадан 170 шақырым жерде орналасқан Көбейтұз көліне карантин біткенше баруға тыйым салынған болатын. Енді Көбейтұз көлінен тұз бен батпақ алғандар жауапкершілікке тартылады.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
