Бекшин Алматы тұрғындарының вирусты қайда жиі жұқтыратынын айтты
Талдау жүргізу кезінде 6 408 адамның жұмыс орнында ауру жұқтырғаны анықталды, деп атап өтті Алматының бас санитар дәрігері.
Фото: Максим Золотухин
10:37 23.07.2020
Алматының бас санитар дәрігері Жандарбек Бекшин қала тұрғындарының коронавирус инфекциясын жұмыс орнында көп жұқтыратынын мәлімдеді.
"Науқастардың 23,3%-і – жастар, 21,1%-і – 30-39 жастағы адамдар. Талдау жүргізу кезінде 6 408 адамның жұмыс орнында ауру жұқтырғаны анықталды", - деді Бекшин.
1948 адам инфекция ошағында науқастармен байланыста болған. Ал 1258 адамның инфекцияны қайдан жұқтырғаны анықталмады. Қала бойынша коронавирус инфекциясының 5 302 ошағы тіркелді, оның ішінде қазір 1 591 инфекция ошағы белсенді болып отыр.
"Байланыста болғандарға үнемі бақылау жүргізіледі, оның ішінде науқастармен жақын байланыста болған 48 032 адам, жұмыс бойынша байланыста болған 22 231 адам бар", - деді қаланың бас санитар дәрігері.
Қазір үй карантинінде отырған 7 265 адам медициналық бақылауға алынған. Сонымен қатар қалада соңғы жеті күн ішінде ауру жұқтыру көрсеткіші 44,3%-ке өсті. Қаланың бас санитар дәрігерінің айтуынша, ақылы негізде өз еркімен коронавирустың бар-жоғын анықтауға жүгінушілер саны 942-ден 1060-қа дейін артқан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
