Ресей 1 тамыздан бастап халықаралық әуе рейстерін іске қосады

Ресей премьер-министрі Михаил Мишустин Ресей Федерациясында 1 тамыздан бастап халықаралық әуе рейстері жанданатынын мәлім етті. «Халықаралық әуе рейстерін жандандыру туралы шешім қабылданды, соған қарамастан біз эпидемиологиялық жағдайды, ауру көрсеткіштерін басты назарда ұстаймыз», - деп мәлім етті бейсенбі күні үкімет төрағасы министрлер кабинетінің отырысында. Ол 1 тамыздан бастап Мәскеу, Мәскеу облысы, Дондағы Ростов пен Санкт-Петербург әуежайларынан рейстер жүзеге асырылатынын нақтылады.