Нұр-Сұлтанда аурухананың бас дәрігері коронавирустан қайтыс болды

Нұр-Сұлтанда №2 қалалық көпбейінді аурухананың бас дәрігері Иван Иванович Ли қайтыс болды. Ол да коронавирус жұқтырған болатын. Ақпаратты астана әкімдігінің баспасөз қызметі растады. "Иван Ли ісінің нағыз маманы болатын, ол құтқарған өмір саны біреу емес. Алғашқы күннен бастап ол коронавируспен күресте алдыңғы шепте тұрды. Оның отбасы мен жақындарына көңіл айтамыз", - деп хабарлайды әкімдіктің баспасөз қызметі өкілі. Иван Иванович 60 жаста болған.