Ұшаққа жай түсіп, апатты жағдайда қонды
Фюзеляжына жай түскен Cargo Airlines компаниясының жүк ұшағы Токиодағы Нарита әуежайына апатты жағдайда қонды, деп хабарлайды NHK телеарнасы.
13:19 27.07.2020
Телеарнаның хабарлауынша, оқиға жексенбіден дүйсенбіге қараған түні болған. Боинг 747 Наритадан Аляскадағы Американың Анкоридж қаласына бет алған. Ұшқаннан кейін шамамен 20 минут өткенде 6700 м биіктікте ұшақты найзағай соққан.
Ұшқыштар кері қайтуға шешім қабылдаған. Оқиға салдарынан экипаждың бес мүшесінің ешқайсысы зардап шеккен жоқ. Қазіргі уақытта мехаиктер ұшақтың зақымдалған бөлігін тексеруде.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
