Семейде балалар үйінің тәрбиеленушісі көз жұмды
Шығыс Қазақстан облысының әкімдігі Семейдегі мектеп-интернаттың тәрбиеленушісіyің қайтыс болғаны туралы хабарлады.
09:38 20.08.2020
«17 тамызда Семей қаласындағы жетім балалар мен ата-анасының қамқорлығынсыз қалған балаларға арналған мектеп-интернатының тәрбиеленушісі қайтыс болды. Өлімге алғашқы себеп церебральды ісіну», - делінген министрлік хабарламасында.
Айтуынша, аймақ басшысы Даниал Ахметовтің тапсырмасымен жағдайды егжей-тегжейлі зерделеу үшін облыс әкімінің орынбасары басқаратын арнайы комиссия құрылған. Жұмыс тобының құрамына қадағалау және құқық қорғау органдары, денсаулық сақтау басқармасы, медициналық дәрігерлер, сондай-ақ қоғам өкілдері кірді.
«Әр баланың қайтыс болуы - бұл қайғылы жағдай. Әр жағдайды егжей-тегжейлі зерделеу керек. Бұл мәселе облыс әкімінің жеке бақылауында», - деді әкімдік.
Естеріңізге сала кетейік, мамыр айында Аягөзде арнайы әлеуметтік қызметтерді ұсынатын балалар орталығының төрт тәрбиеленушісінің қайтыс болғаны белгілі болды. Ол психоневрологиялық патологиясы бар балаларға арналған мектеп-интернат. Осы орталықтың оннан астам баласы қызылша диагнозымен жұқпалы аурулар ауруханасына жатқызылды. Кейбіреулеріне ішек инфекциясы диагнозы қойылды. Төрт бала қайтыс болды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
